O Concello de Tomiño conmemorou este mediodía por vez primeira, o “Día Oficial da Festividade dos Corpos de Policías Locais” cun acto que estivo presidido pola alcaldesa do municipio, acompañada por membros do goberno local, o asesor de Gabinete da Subdelegación de Goberno en Pontevedra, Camilo Bello Fernández, o Comandante Naval do Miño, o sarxento da Garda Civil de Tomiño e o xefe da Policía Local de Tui.

José Ramón  Álvarez Riveiro, xefe da Policía Local de Tomiño, abriu o acto agradecendo a presenza das autoridades, dos seus compañeiros policías, membros da Agrupación de Voluntarios de Protección Civil, representante da Comunidade de Montes de Tomiño, etc. O sarxento salientou o esforzo político que se vén realizando durante os últimos anos para dotar á Policía Local de máis recursos humanos e materiais; formación dos axentes e mellora de instalacións. Asemade, felicitou aos seus compañeiros pola súa labor e lembrou a colaboración da Garda Civil, voluntarios de Protección Civil e Bombeiros Voluntarios de Vila Nova de Cerveira.

A Asociación de Veciños de Amorín, coa colaboración da Concellaría de Deportes e Lecer do Concello de Tomiño, organiza a “II CARREIRA POPULAR DE AMORÍN”, que se celebrará o día 30 de maio de 2010, a partires das 11:20 horas, diante da igrexa parroquial de Amorín, no Concello de Tomiño.

Dado o carácter popular da proba, poderán participar todas as persoas que o desexen, sen límite de idade.

As inscricións poderán realizarse ben a través do correo electrónico da Asociación de Veciños Este enderezo de correo-e está protexido contra spam bots, necesitas ter o Javascript activado para podelo ver , ben (páxina web) ata o día 27 de maio como máximo para a proba absoluta, permitíndose o mesmo día da proba unicamente inscricións de rapaces ou rapazas de categorías menores (ata xuvenil, inclusive), media hora antes do inicio da carreira.
 

A Concellería de Cultura, Educación e Participación Veciñal do Concello de Tomiño, que dirixe o centrista Jesús Castiñeira, organiza en colaboración coa Asociación Cultural A Xanela e RENFE, unha excursión ás Illas Atlánticas (Cíes), o vindeiro sábado, 26 de xuño.

Se trata do terceiro ano consecutivo que as tres entidades colaboran, no 2009 organizaron unha visita guiada as Illas Ons e no 2008 a Santiago (o Parlamento Galego e os tellados da catedral). As visitas resultaron un éxito, tanto en participación como nos aspectos organizativos.

O Espazo TIC de Tomiño deu por finalizado outro dos cursiños de alfabetización dixital que vén impartindo con enorme aceptación por parte dos usuarios.

A alcaldesa da vila, Sandra González, fixo entrega esta mañá dos diplomas do que vén a ser o taller Nº 110 dos que se levan impartidos.

Este venres 21 de maio, terá lugar no Centro Goianés a partir das 12 da mañá, a reunión constitutiva do “Foro Fortaleza”.

Esta iniciativa do Concello de Tomiño tenta conformar unha entidade na que estean representados arquitectos, historiadores, empresarios, responsables políticos españois e portugueses e asociacións veciñais e culturais coa finalidade de facer unha reflexión colectiva sobre as posibilidades que ofrece a recuperación da Fortaleza de San Lourenzo e o seu entorno.

Dita organización leva traballando co fútbol base tomiñés dende fai dez anos, dirixindo cinco categorías diferentes: prebenxamíns, benxamíns, alevíns, infantís e cadetes.

Nos últimos anos acadaron grandes obxetivos: campionatos de liga, ascensos, finais de copa, etc. Actualmente, contan con dous equipos en primeira provincial: os alevíns A, que manteñen a categoría, e os cadetes, que ascenderon recentemente, volvendo a primeira un ano despois.

A Concellaría de Medio Ambiente do Concello de Tomiño, que dirixe Santiago Vergara, organiza o vindeiro domingo dentro do programa “A nosa auga dá vida”,  un percorrido polo sendeiro do río Furnia.

O obxectivo desta actividade é dar a coñecer e por en valor os principais espazos naturais do concello da man de guías intérpretes que axudarán aos presentes a achegarse á natureza e á biodiversidade.

O percorrido polo sendeiro do río Furnia terá lugar o vindeiro domingo 23 de maio pola mañá, dispoñendo a concellaría un servizo de autobuses para desprazarse ata o lugar. As persoas interesadas poden informarse e apuntarse no Concello de Tomiño ou chamando ao número 986 622 001/03.
 

O domingo 30 de maio terá lugar no Centro Social de Estás unha nova edición da Festa da Bicicleta.

O lugar de saída será do propio Centro Social de Estás as 11:00 h da mañá.

Organiza: Centro Social de Estás.

Colaboran: Deputación de Pontevedra e Concellería de Deportes e Lecer.