A Consellería de Medio Ambiente, Territorio e Infraestruturas publicou onte no Diario Oficial de Galicia (DOG) a licitación da redacción do proxecto de trazado e construción do segundo treito da Vía de Alta Capacidade (VAC) Tui- A Guarda, que une Tomiño e Goián. O Goberno galego inviste máis de 1,3 millóns de euros neste contrato. Nunha visita ás obras desta infraestrutura, o conselleiro de Medio Ambiente, Agustín Hernández, anunciou que este tramo será construído como autovía dende o primeiro momento. Tamén asegurou que a Xunta rematará en 2013 os dous tramos en obras da VAP Tui- A Guarda e porá en servizo a totalidade da vía antes de que remate o 2015.

A organización e difusión da Festa do Kiwi de Tomiño foi motivo dunha singular homenaxe o día 2 de xuño por parte de Radio Turismo, cuxo director, Juan Madrígal “Maito”, fixo entrega ao concelleiro de Cultura e á alcaldesa de Tomiño, en presenza do tamén Concelleiro Pablo Baquero, do “Prato de Ouro” da emisora.

O acto produciuse tras a celebración no Concello do programa “España 13 horas” desta cadea emitido para toda España, no que estiveron representados sectores da economía da zona, como as bodegas, a agricultura, os servizos, o comercio e o turismo. Entre os convidados estiveron presentes, entre outros, os presidentes de ADETO, Manuel Pérez Riveiro, e de ACITUI, Jorge Álvarez; as representantes de Bodegas de Santiago Ruíz, Rosa Ruíz e María Luisa Freire, e Antonio Reguera Repiso, presidente da Federación Gastronómica Luso Galaica e da Federación de Comercio de Pontevedra.

O II Slálom de Tomiño, organizado pola escudería Tomiño Motor Competición en colaboración coa Concellaría de Deportes e Lecer do Concello de Tomiño,  terá lugar o vindeiro domingo, 6 de xuño, no circuíto urbano comprendido entre o IES de Tomiño e o Centro de Saúde.

A proba, oficial e puntuable para o Campionato Galego de Slálom, comezará ás 12.00 horas cos adestramentos, pero non será ata as 15.30 horas cando teña lugar a 1ª Manga Oficial. A 2º Manga Oficial será ás 17.30 horas e ás 19.00 a entrega de premios.

Jaime Pichel, presidente de Tomiño Motor Competición, explicou que o slalom é unha proba puntuable para o campionato galego de slálom da Federación Galega de Automobilismo, e advertiu que esta é unha proba de habilidade do piloto, non de velocidade.

Máis de 50 escolares do primeiro ciclo de Primaria dos colexios públicos de Barrantes e Tebra, visitaron esta mañá os petroglifos do Monte Tetón, nunha iniciativa orientada á difusión turística do patrimonio histórico e natural do concello.

A actividade, organizada por segundo ano consecutivo pola Concellaría de Turismo, que dirixe Xaquín Villadangos, ten coma obxectivo dar a coñecer e por en valor os recursos históricos, etnográficos e naturais da vila entre os máis pequenos. Por iso, neste segundo ano a acción enfocouse cara ao primeiro ciclo de Primaria.

A II Carreira Popular de Amorín celebrada onte nesta parroquia resultou un éxito absoluto, tanto de participantes, que superaron os 300, coma de público. A proba, organizada pola  Asociación de Veciños de Amorín en colaboración coa Concellaría de Deportes e Lecer do Concello de Tomiño e o Club de Atletismo de Porriño, desenvolveuse nunha xornada de sol a partir das 11.20 horas, diante da Igrexa parroquial de Amorín. 
 
Dado o carácter popular da proba, participaron persoas de todas as idades, rexistrándose ampla presenza de nenos e nenas pero tamén de mozos/as e adultos/as. 
 

A Concellería de Mocidade do Concello de Tomiño, está a traballar na creación dunha emisora de radio a través de internet. A iniciativa corresponde ao concelleiro Xaquín Villadangos en colaboración co actor e guionista Suso Pando, coordinador e director deste proxecto, sen esquecer a colaboración do equipo da OMIX e de Carlos Villanueva, do IES de Tomiño. 

Segundo informou Villadangos, a emisora nace con fins de formación e divulgación, tentando ofrecer un servizo a mocidade e aos cidadáns que queiran colaborar neste proxecto. O edil explica que o primeiro acercamento para coñecer a opinión da mocidade fíxose no IES de Tomiño, cunha campaña divulgativa na que se deu a coñecer aos estudantes as grandes posibilidades creativas do proxecto, para o que se proxectou un vídeo-spot co título “A radio on-line”.

O domingo día 30 celebrouse a II Carreira Popular de Amorín. Organizada pola Asociación Veciños de Amorín, en colaboración co Clube de Atletismo de Porriño, a segunda edición desta carreira popular, non só viu a consolidar a edición do ano pasado, senón que superóu as expectativas da Organización.

 É destacable a gran participación de nenos e nenas de todas as idades, dende xuvenís ata pitufos. Este ano, a proba de absolutos, era puntuable para o GRAN PREMIO CORRER EN GALICIA. Houbo un total de 350 inscripcións.

Un ano máis Jaime Pichel presidente da escudería TMC (Tomiño Motor Competición) pasou polos micrófonos da Radio Municipal de Tui, para facernos un balance do que foi o primeiro slalom en Tomiño putuable para o campionato galego da especialidade, no que salientou a gran afluencia de público e as extraordinarias medidas de seguridade que lle otorgaron a dita proba unha puntuación de 7 sobre 8, tamén nos falou da actividade da escudería durante todo este tempo, e  por último fixo unha presentación do que vai ser a segunda edición deste slalom que terá lugar o día 6 de xuño nun circuito urbano e a sua programación:

Este domingo celebrouse en Salvaterra de Miño, no río Tea, a 2ª competición correspondente a Copa Galega de Slálom. O campionato desenrolouse sen incidentes dentro do horario previsto. Os teixugos acudiron con nove piragüistas e dúas abridoras, estas últimas participan, pero non puntúan ao pertencer a categorías inferiores. A nivel individual cabe destacar unha medalla de ouro: Miguel Valcárcel en C1 Cadete; catro de prata: Víctor González en C1 xuvenil, Adrián Rodríguez en K1 cadete, estes dous mesmos palistas en C2 e Guillermo Pereira en K1 xuvenil; e tres de broncee: dúas para Emilio Ferreiro en K1 e C1 sénior e outra para Alex Ochoa en C1 xuvenil.