A Escola Municipal de Teatro e Danza de Tomiño pechou esta semana as súas clases correspondentes ao curso 2009-2010.

Para a ocasión, ambas aulas celebraron o final das clases con distintas actividades.

No caso da aula de teatro, organizáronse varios actos, entre os que destacou unha busca do tesouro, xogos e merenda ao aire libre.

Pola súa banda, a aula de danza celebrou, entre outras actividades, unha clase aberta de iniciación á danza e un curso monográfico  de danza contemporánea, baixo a denominación “Remedio para a sede”, dirixida pola profesora Cristina Cameselle.

A Directiva do Centro Social de Estás, e a Asoc, Xuvenil Buraco do Frade, organizan o vindeiro 26 de Xuño a partir das 21.30 h. unha sardiñada con motivo de San Xoán; serviranse sardiñas, acompañadas de pan de millo e viño a un prezo de 4 euros.

A partir das 22.30h. actuará o Grupo de Gaitas Virxen do Alivio. Unha vez mais agardamos contar coa vosa participación.

O secretario de organización do PSdeG-PSOE, Luis Piña, cualificou onte de «pólvora mollada» á suma de Alternativa Tomiñesa e Partido Popular no Baixo Miño, onde considera que non cambiará nada.

Sobre o recente anuncio de absorción de Alternativa Tomiñesa por parte dos populares, dixo Piña que «só busca que Louzán non perda a súa cadeira na Deputación.

O portavoz socialista asegurou que o presidente do PP de Pontevedra, Rafael Louzán «está moi preocupado ante a posibilidade de perder o seu cargo, porque igual ten que volver ao seu antigo traballo en Ribadumia».

SARDIÑADA E FOGUEIRA

O vindeiro mércores, 23 de Xuño, vaise celebrar en Amorín, unha gran sardiñada. As sardiñas e o pan serán de balde.  A partires das 12 da noite, vaise prender lume á fogueira . Todo isto será no Campo de fútbol.

VERBENA

O sábado dia 26, ás doce da mañán, terá lugar unha Misa en honra do Patrón, San Xoán.

Pola noite haberá unha verbena, que será amenizada polas orquestas Magos de España e Tokio.

Este domingo, día 20 de xuño, celebrouse no Rosal a 4ª competición da Copa Galega de Promoción de Slalom. Nestas competicións de promoción participan os membros máis pequenos de cada club, nenos e nenas con idades comprendidas entre os 8 e os 14 anos. A organización, nesta ocasión correu a cargo do Club Deportivo Miño-Teixugos e contou coa participación de clubs de toda Galicia. Como xa é habitual neste deporte o encontro tivo lugar nun ambiente festeiro e de gran deportividade. As medallas quedaron repartidas entre todos os clubs, os Teixugos remataron con dúas de ouro, tres de prata e dúas de bronce.


 

A Concellaría de Cultura, Educación e Participación Veciñal, que dirixe Jesús Castiñeira, informa que este venres, 18 de xuño, ás sete da tarde, celebrarase unha clase aberta de iniciación á danza e un curso monográfico  de danza contemporánea, baixo a denominación “Remedio para a sede”, dirixida pola profesora Cristina Cameselle.

A entrada será  de balde ata completar o aforo.
 

A Asociación de Mulleres Rurais de Tomiño organiza coa colaboración da Concellaría de Cultura, Educación e Participación Veciñal, unha exposición do traballo realizado durante o último ano, que será inaugurada o vindeiro 2 de xullo ás 19.00 horas, permanecendo aberta os días 3 e 4 do mesmo mes (de 17.00 a 20.00 horas) na Casa da Cultura de Tomiño.

Na mostra, poderá  contemplarse o traballo realizado durante o ano nos diferentes cursos celebrados, entre os que se atopan os de manualidades (madeira, estaño, bordado, etc.), pintura ao óleo, etc.

A Concellaría de Seguridade, Tráfico e Transporte, que dirixe Julia Cascón, organiza un curso sobre incendios urbanos e forestais para os membros da Agrupación de Protección Civil de Tomiño.

A actividade, que ten lugar na nave de formación de San Bieito, ten unha duración aproximada de 40 horas, repartidas nos sábados 5, 12 e 26 de xuño e 3 e 10 de xullo, a razón de oito horas diarias.