A  Deputación de Pontevedra, reunida onte en Xunta de Goberno, aprobou as bases de axudas públicas destinadas a mellorar a competitividade e a capacidade de innovación dos pequenos comercios da provincia. Este proxecto, no que entidade provincial investiu 11.071 euros no Baixo Miño, vai dirixido ao financiamento de actividades de promoción e introdución das novas tecnoloxías no traballo diario das asociacións e a implantación nelas de sistemas de xestión electrónica. Os destinatarios destas axudas son as asociacións de comerciantes ou colectivos sen ánimo de lucro que desenvolvan actividades cuxos beneficiarios en último termo sexan os pequenos comercios da provincia de Pontevedra.

Polo que se refire á comarca de Baixo o Concello de Tui recibiu 6.631 euros, dos que 4.111 euros se destinan á Federación de Empresarios do Baixo Miño (FEBAM) para actualización dos seus equipos informáticos, e 2.520 euros dstínanse á Asociación de Comerciantes e Industriais de Tui para as campañas de Nadal, dos Namorados e do Día do Pai.

A colectivos do concello A Guarda irán 4.440 euros distribuídos entre a Asociación do Baixo Miño de Comerciantes e Empresarios (ABACO), que terá unha axuda de 1.500 euros para a elaboración dunha páxina web, e a Asociación de Empresarios de A Guarda (ACIGU), con unha axuda destinada á campaña de Nadal, por 2.940 euros.

FONTE: galiciasuroeste