Asociación de veciños O Arbol, Vilachán, Tomiño - O centro de recursos de Tomiño dará servizo a preto de 3.000 discapacitados

Máis populares da semana
Deputados socialistas solicitan no Parlamento que se fagan dúas obras fundamentais para Tomiño Unha unidade móbil do Ministerio de Industria visitará Tomiño para informar sobre a emisión da TDT A III Festa da Exaltación do Kiwi de Tomiño terá lugar os vindeiros 8 e 9 de maio

O centro de recursos de Tomiño dará servizo a preto de 3.000 discapacitados

26 do 06 do 2009

«Non hai ningún tipo de servizos para persoas con discapacidade física desde que finalizan a etapa escolar ata que chegan á terceira idade». é a realidade coa que conviven a diario, explica o presidente da asociación Vontade, Miguel Pazo, o 7,6 por cento dos 100.000 habitantes que conforman os municipios do Baixo Miño, Baiona, Gondomar, O Porriño e Salceda.

Preto de 8.000 persoas desta área sofren algún tipo de discapacidade, ben sexa psíquica, física ou sensorial. Vontade é a promotora agora do primeiro centro de recursos para persoas con discapacidade física e sensorial, que dará cobertura ao 38,6% do total de poboación con estas características nos nove municipios.

O centro, avanzou Miguel Pazo atenderá a 2.972 usuarios, cifra que se corresponde coa de persoas en idade laboral desta área que padecen algunha discapacidade física ou sensorial.

Os beneficiarios poderanse acoller, segundo as súas circunstancias e necesidades, ao servizo que lle corresponda dos tres que contempla o proxecto que se presentou esta semana á asemblea.

Un centro de día para os usuarios de 16 a 24 anos cunha discapacidade superior ao 75 por cento e con axuda de terceiras persoas, outro ocupacional para os que estean en idade laboral e teñan unha discapacidade de máis do 65 e un terceiro pre laboral ao que se poderán sumar os que teñan entre un 33 e un 64 por cento.

Instalacións

O centro estará a pleno rendemento, segundo os prazos que baralla a entidade, no 2012 aínda que antes poderán ir abrindo os servizos que se vaian ultimando. De feito o organigrama prevé comezar as obras este mesmo ano. Fundosa, a división empresarial creada pola ONCE co obxectivo de xerar emprego para persoas con discapacidade, foi a primeira en confirmar un apoio económico ata finalizar a obra que lles abre as portas ademais ao 0,7% previsto de Fondos do Estado. Para este ano, hai un investimento previsto de 647.224,30 euros.

A entidade está agora á espera de que a Xunta, nun prazo máximo de quince días, responda tamén favorablemente á subvención solicitada e que representa algo máis do 30% do total. As peores noticias chegaron dunha entidade financeira con presenza na zona que lles denegou os 60.000 euros que solicitaron.

O centro, apoiado tamén por Cogami, ofrecerá unha primeira oportunidade para 3.000 veciños da área sur de Vigo, con servizos personalizados e instalacións dignas para este colectivo. Desde formación básica a lecer, educación e traballo. Un proxecto de normalización e integración para 100.000.

Sexa o primeiro en comentar o artigo

Escribir Comentario

Por favor, manteña a temática do comentario en relación co tema do artígo. Se contén linguaxe inapropiado será borrado. Por favor, non empregue os comentarios para promocionar o seu sitio, ese tipo de mensaxes borrarase. Ten que asegurarse de Recargar a páxina para amosar un novo código de seguridade antes de cliquear 'Enviar', no caso de que metese un código incorrecto.
Nome:
Título:
Comentario:
Código:*

< Ant.		Seg. >

[ Atrás ]