O pasado sábado,13 de febreiro, celebrouse na parroquia tomiñesa de Pinzas, a I Xornada da Liga Galega de Horseball nun campo de xogo novo, grazas á  colaboración da Concellaría de Deportes e Lecer do Concello de Tomiño e da Comunidade de Montes de Pinzás.

É de destacar a gran acollida que tivo na localidade esta disciplina, xa que a pesar do frío reinante na xornada, asistiu un considerable número de público para ver as evolucións dos xogadores/as que forman parte do equipo “VIGO-PINZÁS HORSEBALL”, que no seu primeiro encontro venceu ao equipo da localidade coruñesa de Coristanco,  “BREOGÁN HORSEBALL”.
 

A liga de Horseball, un ano máis, estendeuse no territorio coa finalidade de dar a coñecer a todos os afeccionados á hípica as excelencias deste  deporte.

A  Federación Hípica Gallega e Vigo-Pinzás Horseball , desexan agradecer ao tenente de alcalde Jesús Castiñeira e ao concelleiro de Deportes, Fernando Álvarez , a súa colaboración xa que grazas ao seu apoio foi posible a celebración deste evento.

O concelleiro de Deportes e Lecer do Concello de Tomiño, pola súa banda, explicou que decidiron apoiar a competición por tratarse dun deporte novo na zona e que podería ampliar a oferta que se fai dende o Concello.

RESULTADO DO ENCONTRO:

VIGO PINZAS HORSEBALL – 6 ---- BREOGAN CORISTANCO - 2