O vindeiro sábado 23 de xaneiro comeza o I Torneo de Tenis de Mesa Concello de Tomiño, organizado pola Concellaría de Deportes e Lecer do Concello en colaboración coa Agrupación Deportiva Baixo Miño (AGRUDEBAM).

O evento disputarase tamén o día 30 de xaneiro no pavillón polideportivo de Tomiño, cubríndose as 24 prazas dispoñibles. Neste sentido, participarán xogadores de diferentes concellos ademais de Tomiño, como os de Vigo, Nigrán, A Guarda e Gondomar.

Dáse a circunstancia de que varios dos xogadores están federados en equipos de tenis de mesa como o A.D Vincios ou o AVCD Lavadores T.M. "B". Ademais, algúns dos participantes atópanse en altas posicións no ranking do circuíto galego de tenis de mesa.
 

O Torneo empezará o vindeiro sábado ás 16.00 horas e finalizará aproximadamente ás 21.00.

Os partidos serán arbitrados por árbitros especializados neste deporte.

Haberá premios para os tres primeiros clasificados ou clasificadas (trofeo máis 100, 80 e 60 euros, respectivamente) e o resto de participantes recibirán un agasallo.

O concelleiro de Deportes, Fernando Álvarez, explicou que este torneo se encadra no marco do traballo que vén desenvolvendo a concellaría coa finalidade de ampliar e diversificar a oferta deportiva do Concello. Nesta mesma liña, celebrouse hai unhas semanas o segundo torneo de tenis, no que participaron numerosas deportistas da localidade e zona de influenza.

Os partidos serán arbitrados por árbitros especializados neste deporte.

	1. Escrito por un deportista o 22-01-2010 11:51
	non cabe duda que labor que esta a desmpeñar o empleado que traballa`para o concello en deportes esta constatada con estas iniciativas e alguas mais que hay proyectadas,voa a labor a sua.