A Concellaría de Cultura, Educación e Participación Veciñal do Concello de Tomiño, lembra que dentro da Programación de Nadal desta fin de semana, terá lugar o vindeiro sábado, 26 de decembro, o tradicional Concerto de Nadal, que este ano estará a cargo do violinista ruso Mijail Moriatov.

A actuación será no Auditorio de Goián a partir das 21.00 horas.

Mijail Moriatov é un dos violinistas de maior proxección e prestixio residentes actualmente en España. Naceu en Rusia e aos cinco anos empezou a súa carreira musical, despois de estudar cos profesores máis ilustres de San Petersburgo.

En 1986 superou as probas de acceso á Escola Superior do Conservatorio de San Petersburgo, a que rematou coas máis altas cualificacións en 1994. En 1992 aprobou as oposicións para a Orquestra Sinfónica de Galicia con tan só 17 anos, o que lle converteu no membro máis novo da devandita formación. Desde esta data ata a actual reside e traballa en Galicia. Nos anos 1994-1996 foi profesor superior de violín no Conservatorio de Ferrol, así mesmo ao longo do quince anos permanecendo en Galicia desenvolveu un importante labor docente por toda a Comunidade Autónoma. É compoñente desde a súa creación (ano 1988) do Cuarteto Moriatov, un conxunto único en toda Europa, dado que está formado polos membros dunha soa familia. Con este grupo realizou máis de 200 actuacións por toda Rusia e España.

Por outra banda, tamén o sábado 26 de decembro terá lugar no Pavillón Polideportivo de Tomiño o Parque Infantil “Tomilandia”, destinado a todos os nenos e nenas da vila, que poderán participar en diferentes obradoiros de Nadal e xogar nunha serie de inchables. O parque estará aberto entre as catro e as oito da tarde.