A Concellaría de Cultura, Educación e Participación Veciñal organiza o vindeiro sábado, día 23 de xaneiro, un concerto da tomiñesa Sandra Martínez e actuación humorística de Fredi Crujer. O espectáculo terá lugar no Auditorio de Goián a partir das 20.00 horas.

Sandra Martínez é natural de Tomiño e ten actuado en distintas localidades e escenarios da provincia, presentándose como unha das máis novas  promesas da comarca.

Fredi Crujer, pola súa banda, deuse a coñecer no programa LUAR da TVG no ano 2002 e a partir de entón visitou os platós de distintas cadeas de televisión e radio dentro e fora de Galiza.