A Concellaría de Cultura, Educación e Participación Veciñal que dirixe Jesús Castiñeira, organiza a exposición de escultura “Meu sentir”, de Ignacio Moure, que poderá visitarse no Auditorio de Goián do 5 ao 31 de marzo.

A  inauguración da exposición terá lugar o mesmo día venres 5 ás 19.30 horas no auditorio.

Ignacio Moure Alonso, naceu en Tomiño hai 48 anos e é autodidacta. Dende neno interesouse pola escultura e lembra cando collía as pastillas de xabón da súa nai para facer bonecos. 
 

Moure foi aprendiz de Antúnez e Copo, e en canto aos materiais utilizados nas súas obras, ten preferencia pola madeira e o ferro reciclado, aínda que tamén manexa a pedra e o barro.

Segundo Castiñeira, a organización da exposición responde á vontade da concellaría de axudar a dar a coñecer a importante obra de moitos artistas que non teñen aínda a proxección que lles corresponde.