Continúa aberta a exposición de escultura do artista tomiñés Ignacio Moure, organizada pola Concellaría de Cultura, Educación e Participación Veciñal que dirixe Jesús Castiñeira, e que poderá visitarse no Auditorio de Goián ata o día 31 de marzo.

A inauguración da mostra, celebrada o pasado venres 5 de marzo, contou con numeroso público, alcaldesa e outras autoridades locais, sorprendendo gratamente a todos os asistentes. 

Obras feitas sobre a base de material reciclado, esculpidas sobre cachos cerámicos, pedra, troncos ou raíces se poden contemplar nesta exposición que, segundo o concelleiro de Cultura, “demostran un alto nivel de inxenio e arte difíciles de igualar; calquera material parece válido nas mans deste escultor polifacético e autodidacta”.

Ignacio Moure recoñecía no acto de inauguración a fonda pegada que nos seus anos mozos deixou Antúnez Pousa e Zopo. 

Así  recordaba que unha das leccións que lle quedou máis gravada foi a de que “calquer cacho de pedra ou material leva dentro unha escultura que somentes necesita sacarlle o que lle sobra” e iso é, precisamente, o que intenta facer cos materiais sobre os que traballa. 

O concelleiro de Cultura, Jesús Castiñeira, salientou que a vontade da concellaría é a de axudar a dar a coñecer a importante obra de moitos artistas, como Moure, que non teñen aínda a proxección que lles corresponde, a pesar da alta calidade que nas mesmas se contempla.

	1. Escrito por Ivete Alonso o 21-03-2010 23:39
	Olá Primo parabéns pelo trabajo. Ficampos felizes em te ver. Mostrarei para mi papa. Bejos a todos

	2. Escrito por Pilar Rico Boquete o 28-03-2010 17:15
	Exposición da obra de Ignacio Moure A mostra do autor, Ignacio Moure, reflicte unha grande creatividade e imaxinación y unhos matices verdadeiramente artísticos. Todos estos elementos fan que sexa unha das mostras nas que o visitante se impresione con cada unha das creacións do artista. É de resaltar tamén a combinación artística na que se pode observar a gran sensibilidade do creador coa natureza y o xeito de proxectala.     Esperamos que nos siga a sorprender de xeito tan enriquecedor con mais aportación artísticas. Noraboa