A exposición pictórica “Arritmias” organizada pola Concellaría de Cultura, Educación e Participación Veciñal en colaboración coa Asociación Galega de Arte e Cultura (AGAEC), permanece aberta ata o vindeiro día 10 de xaneiro de 2010, no Auditorio Municipal de Goián, en horario de luns a venres de 09.00 a 13.00 horas.

A mostra, coordinada por Jesús Pereira Ríos, foi inaugurada a pasada fin de semana coa asistencia do concelleiro de Cultura, Jesús Castiñeira, a presidenta da AGAEC, Josefa Mariño Rivas, e outras autoridades e representantes de entidades e asociacións locais.

 

Os artistas reunidos nesta exposición son Antonio Abad (Vigo), Carmen Sevillano (Vigo), Carmen Torres (Santiago de Compostela), Esther Molinero (Cidade Real), Marina Cocós (Pontevedra), Pazo Ramos (Granada), Pepa Mariño (Pontevedra) e Jesús Pereira (Cádiz).

A temática e estilos da exposición é igualmente variada, podendo atopar o visitante dende paisaxes ata figuras humanas, pasando por creacións de corte surrealista e impresionista.

Por outra banda, a Concellaría de Cultura, Educación e Participación Veciñal do Concello de Tomiño organizará de forma conxunta coa Asociación Galega de Arte e Cultura (AGAEC), un simposio de arte con motivo da terceira Festa do Kiwi, a celebrarse na segunda semana de maio do vindeiro ano.

Jesús Castiñeira, explicou que a AGAEC terá ao seu cargo a coordinación do simposio e o Concello aportará apoio loxístico e material.
 

	1. Escrito por anonimo o 09-01-2010 11:46
	para cultura haber si cumpres coas asociacions e non fas o dos anos anteriores que se faga o sorteo das casetas que sempre estan en mellor sitio a caseta da xanela e a da tua muller o ano pasado e que tampouco cobres os kiwis as asociacions como o ano pasado que pagaron 10 euros por caseta que si non asisten as asociacions haber que festa habria que son as que fan a festa e non cobran nada a o concello tes que mas delicadeza e tratalas coma se merecen e sin tanto favoritismo e tanta pelotada.